Archive | Febreru, 2011

Les habilidaes de la esquierda plural

24 Feb

La campaña eleutoral va entamando adulces n’Asturies,coles candidatures yá feches y cola visita de ZP pa falanos de los sos llogros como presidente y de lo muncho que quier a Asturies…cuando hai eleiciones.

Como  siempre que lo ven feo,el PSOE entama cola gaita de “movilizar l’eleutoráu d’esquierda”,esta vegada escontra PP y FAC,pero esta vegada nun tan solos na misión:IX-LV,esa coalición qu’entá nun sabemos bien por qué n’Asturies nun se presenta conxuntamente col PSOE,entama a emplegar tamién esi recursu,nel so casu escontra los recortes sociales de los que,casualidaes de la vida, son parte responsable per aición u omisión.

Ye alloriante ver al cacique Javier Fdez acusar a otros de caciquismu,a Justo rdguez Braga pidiendo’l votu disimuladamente pal PSOE (yá sabéis qu’UGT nun pidi’l votu pa naide,son independientes bobos…) y otres munches hestories,asperando l’apaición del cacique cimeru del país,Villa,que de xuru que dalguna perlla soltará.

N’otru lláu echaríense a llorar,pero equí ye meyor tomalo a chancia por aquello de que los disgustos acurtien la vida,y entós nós nun pasábemos de los 40.

Esi discursu del mieu a la drecha,anque como digo,ye alloriante por quién son los sos emisores,tien efectividá nun seutor importante del pueblu asturianu,aquel que nun vota al PSOE por vezu pero que se considera d’esquierdes ensin munchu más fondu.Esi seutor social ye mayoritariamente “veteranu”,pero anque mocedá cada vegada queda menos nesti país,háila y ehí ye onde entra n’escena IX-LV,p’atropar el votu mozu que nun ye a atropar el PSOE.

N’Asturies,pa variar,cuntamos cola IU más apoltronada del estáu,pero cunta col respaldu d’una marca estatal que se supón “l’alternativa útil al PSOE” na esquierda.

Asturies sólo s’igua en clave asturiana,y ye por eso polo que me da lo mesmo que gobierne PSOE-IX o PP-FAC,pero nun dexemos que’l primer binomiu manche una campaña eleutoral más les pallabres esquierda y socialismu.

Drecha escontra nun sabemos qué,pero dende llueu non esquierda.Esa ye la griesca pol gobiernu d’equí a Mayu.

Advertisements

Arma X-Anticonstitucional

11 Feb

Sidra & Blogues

9 Feb
¡Norabona a “Fueya en blanco”,”González y González” y “Conceyu nacional de Liriu” como ganadores del Meyor blogue n’asturianu 2010!

Pa reflexonar una migaya…(II)

7 Feb

El gráficu del post anterior quier dicir muncho y quier dicir nada. Ta fechu nun momentu de “calentura”,col frayamientu del PP reciente y,anque ye xugar a futurólogos,pienso y quiero pensar que’l porcentax de votos de “Foro Asturias” nun va a llegar a esi nivel,pesie a que paez que ta faciendo esconsonar a munchu votante abstencionista.

Ye bien murnio qu’un aspirante a führer qu’abandona la xubilación pa tornar a una función que siempres-y prestó muncho -caciplar,por supuestu- seya’l que vaya a animar unes eleiciones que,d’otra manera,pinten como siempres.

Ye bien murnio qu’un personaxe que lo único que puede ufiertar ye una trayeutoria na que primó los sos intereses y los del PP a los d’Asturies seya’l que tea ocupando un papel que debería tener un dueñu nidiu ya indiscutible,de dos pallabres: Esquierda asturianista.Y ehí englobamos toles corrientes,independentistes y non,anticapitalistes y socialdemócrates.

Podemos ser más o menos,tener más o menos sofitos,pero hai dalgo a lo que nun podemos arrenunciar -y menos en favor de dalguien que ye parte del réxime -:a ser l’alternativa.Tamos nunos parámetros de,siendo mui optimistes,un 3% o dalgo más (siendo ya peroptimistes),pesie a unes condiciones no social,económico,etc inmeyorables ,y que nun sabemos si volveremos a tener.Axuntóse nun mesmu periodu de tiempu una cris económica xabaz cola que custionar más que nunca’l capitalismu;una cris del modelu políticu basáu na corrupción,nel caciquismu,el clientelismu y la dexeneración del conceutu de lo público;el frayamientu ya descréitu del que nos caberos años foi’l competidor direutu (IX)… Los astros axuntáronse,vímoslo,pero a saber si volvemos a velos xuntos.

Adelantándonos a la fostia eleutoral xeneralizada nel nuesu movimientu (con tol pesar,y oxalá tea enquivocáu),hai que dir buscando’l camín que fraye cola incapacidá d’unos cuantos y qu’ameste’l valir ya la rexeneración d’otros munchos nuevos y vieyos.Val,perdimos otros cuatro años,pero vamos dir pensando nunes bases sólides que nun busquen atayos eleutorales,que finen col inmovilismu y que,sobre too,nun mos faigan perder otros tantos años.

Quedar ensin representación nun ye nengún drama siempres que s’aproveche’l tiempu anterior,que s’algame dalgún avance nesi llargu camín que mos queda per delantre.En definitiva,que nun veas que foron años práuticamente tiraos a la basoria.

Poques vegaes nos xugamos tanto y poques vegaes tuviemos tan poca ilusión.Ye un lluxu que nun deberíemos permitinos.

Sí,toi pintándolo too perpesimista,pero esta vegada vais permitímelo.