Archive | Avientu, 2010

Semixuntances

30 Avi

Noticia

Ye la crónica d’un pautu anunciáu:dende va meses paecía nidio que BA y UNA diben presentase xuntos a les eleiciones autonómiques y municipales,y les espectatives -o esperances,según se vea- taben puestes en ver si a la fin dalguna organización más s’amestaba al proyeutu.Esa noticia lo que fai ye “formalizar” lo que taba claro,pero sigui ensin iguar la gran dubia:¿Amestarase daquién más?

Descartaos PAS y URAS dende va meses,les posibilidaes redúcense a Andecha Astur,Valledor y afines y,como muncho,dalgún coleutivu de la esquierda alternativa o del ecoloxismu.Fálase de Valledor como’l posible cabezaleru el proyeutu;si ello ye asina,descartemos dafechu a Andecha Astur,que de toes maneres paez fuera del proyeutu seya quien seya’l cabezaleru.

Lo cierto ye que per dalgún lláu s’entama,y esti alcuerdu ye un pasu alantre pa la esquierda nacionaliega,pero paez que queda descafeinau o,si se prefier,incompletu,porque ensin la participación d’AA piérdese al seutor más soberanista de la esquierda nacionaliega,al mesmu tiempu que supón nun cuntar con un garrapiellu de xente activo,trabayador y comprometío.

En definitiva,nun cuntar con esi activu ye un lluxu que nun deberíemos permitinos,tanto si lo vemos dende’l tarrén ideolóxicu como del estratéxicu.

Veremos en qué queda too,ya que paez que’l mes de Xineru va a ser clave y definitivu,el mes nel que les fiches del tableru qu’entá nun se movieron tendrán que facelo.Agora mesmo,pienso qu’esta xuntanza parcial nun contenta del too,debío a que nun ye nin siquier una xuntanza de tola esquierda nacionaliega.

De toles maneres,hai que reconocer l’esfuerzu y el pasu alantre que supón -insuficiente,pero valiosu.,sentando les bases del futuru seya cual seya’l resultáu eleutoral.

Advertisements

Inocentes de nós…

28 Avi

La estroza del PSOE

12 Avi

Glaya nes muries

6 Avi
Aprovechando’l post,queria da-vos les gracies por estos dos años na rede.¡salú!