Archive | Xunu, 2010

Probitú democrática ya internacionalización del conflictu

29 Xun

Artículu de Xosé A. González. Estudiante y militante de Darréu – Mocedá Independentista Revolucionario.

Afayámonos nuna situación de país bien murnia. Los drechos nacionales y sociales d’esti pueblu milenariu son nulos y nun tan garantizaos en denguna fueya impresa. Lo únicu impresu garantiza precisamente la falta de drechos que l’Estáu Español danos. Ufiertanos una amplia llista de pilancos llegales a la hora de desendolcanos con un mínimu non yá de soberanía, sinon d’autonomía. Les lletres, como digo, solo garanticen la falta de democracia n’Asturies, yá seyan impreses na Constitución Española o nel Estatutu d’Autonomía del “Principado” d’Asturies. Les lletres dan frases, y estes mesmes frases asoleyen drechos democráticos, pero evidentemente ayenos a les necesidaes de los asturianos y asturianes. Ayenos y separtaos dafechu d’esos intereses del nuesu pueblu. Unes lleis y garantíes plantegaes únicamente dende’l centralismu españolista y  que nunca sintieron les vindicaciones populares del país asturianu. Esta llei impuesta nin respeta a Asturies como nación, nin normalizanos , nin respetanos como asturfalantes ente otres coses. Esta llei ampara a la maquinaria represiva p’actuar como-y pete.

Esos testos que tenemos, repito, solo afiten el sometimientu d’un pueblu a los intereses del réximen del Reinu d’España, testos redactaos col espíritu del tardo-franquismu más ranciu. Solo afiten represión y la ñegativa del Estáu a que les asturianes y asturianos seyan quien a algamar dalgo de puxu y tener drechu a decidir por sí mesmxs. Esti drechu a opinar y tomar partida ñeguenlo nel país títeres y poltroneros asitiaos col interés de la oligarquía imperante a cumplir la función yá programada. Hailos de tolos collores y de toles tribes, pero toxs salvaguarden l’espíritu del “ too queda atáu y bien atáu” de Franco y s’escuden nunes cartes de drechos totalmente deficitaries de cara a la participación de la ciudadanía na vida política diaria.

Per otru llau tenemos númberos. Númberos que falen de cuasi 100.000 paraxs, ERE’s y múltiples cierres d’empreses, munches estandartes de la supuesta reactivación llaboral n’Asturies dempués de la reconversión. Cifres que falen d’emigración forciada, sobremanera ente la mocedá y tantos por cientu falando d’una altísima tasa de probitú nesti supuestu primer mundu. Y nun ye solo eso, los númberos dan pa más. Dan pa ver como eses y esos caciques de poltrona persiguen con multes millonaries a les organizaciones y ciudadanxs que quieren otra cosa. Multes a esos y eses que denuncien la situación que carez el país, escudándose nuevamente na so llei, qu’a la fin nun val pa más que perpetuar l’orde vixente , enxamás p’avanzar nes necesidaes qu’a los pueblos correspuenden.

Asina, merez la pena cavilar sobre’l tema y ser conscientes de lo pocu qu’insistimos a la hora d’enfrentanos  énte la constitucionalidá del Estáu y l’Estatutu vergoñosu y antipopular que tenemos, totalmente alloñau de les demandes de los y les asturianes. Munches vegaes enfotamonos n’aldericar sobre qué facer nel campu xuegu. Dexamos tiempo en como combinar a lxs xugadores pa xugar el partíu de la democracia española y la constitución monárquica. Y pue tar bien, pero a lo meyor hai qu’entamar por camudar la competición, por camudar les regles del xuegu más al nuesu favor, yá que denguna garantizanos nin tan siquier finar los partíos.

En resumen, que nun danse condiciones democrátiques nesti país pa entamar a facer frenti col mesmu métodu al poder. Quiciabes tenemos que tornar al entamu. Quiciabes  deberiemos facer qu’esos drechos que se supón que garanticenmos un mínimu de llibertá seyan más alcordies a los pruyimientos y les vindicaciones qu’el Pueblu Asturianu reclama. En poques pallabres, igual ye hora de reclamar una democratización de la sociedá asturiano. Igual ye hora d’axuntar voluntades ente tol movimiento de reconstrucción nacional y social cola fin d’algamar un discursu únicu, ensín atayos, y ensín dexar de llau nunca les necesidaes primaries de la xente, pero cola fin d’algamar un marcu políticu dignu. Un marcu políticu onde toxs podamos participar n’igualdá de condiciones y oportunidaes.

Pa enfrentamos a esta tarea tenemos que visibilizar la problemática y el conflictu qu’hai nesta nación. Tenemos que visibilizalu dientru d’Asturies, amosando les carencies evidentes que sofrimos día a día. Falando cola sociedá cara a cara,falando colxs nuesxs allegaxs. Nun avergoñanos de lo que somos y de lo que tratamos d’espeyar. Esto paez perfácil y cenciellu pero toos y toes deberiemos danos cuenta de qu’estes conversaciones dexamosles pal nuesu círculu ideolóxicu y pocu más. Hai que finar con esto y guetar la nuesa normalización propia si queremos algamar dalgunes condiciones cíviques y democrátiques.

Pero, si vamos a dómines inda más escures de la nuesa historia podemos ver qu’esta visibilización del conflictu nun tien porque zarrase a les nueses llendes. Y refiérome a dómines más escures pa señalar el contestu hestóricu de los años 60 y entamos de los 70. Daquella yera una rialidá qu’en tolos pueblos d’Europa y n’otros continentes clamábase pola fin de la Dictadura Franquista y la democratización del Estáu. El papel que tuvieron los movimientos populares fuera del tarrén estatal contra’l franquismu foi clave p’algamar migayines d’aire frescu y “bondaes” del réximen.

Agora, solo hai que treslladase al momento actual y visibilizar fuera’l país que n’Asturies hai un movimientu políticu esistente que tamién quier ser tratáu col respetu y les mesmes oportunidaes qu’una democracia normalizada ufiertaría. Tenemos qu’intentar cuntar col mundiu nesta dura xera que tenemos delantre, y eso solo pue aportar recibiendo la solidaridá d’otros espacios políticos foriatos. Internacionalizando  la situación pre-democrática qu’arrecostina Asturies dende fai décades. Ye’l momento de da-y puxu a les relaciones internacionales y medrar nestes. Ye’l momentu que nun teamos solos na difícil tarea de normalización demócratica porque globalizando’l nuesu conflicto y recibiendo fuercies d’otros compañeros y compañeres en llucha sedremos más fuertes y tendremos abondo llográu. Ye’l momento d’axuntar fuercies dientru d’Asturies pa enfotase en pedir rescate a nivel internacional.

Advertisements

Eire og-sunday bloody sunday

19 Xun

Élites burgueses NON

3 Xun

XIII Díi d’Andecha:aire fresco

3 Xun

El sábadu cellebróse en villaviciosa’l XIII Díi d’Andecha,actu entamáu pola organización d’esquierda nacionaliega Andecha Astur.Esti actu supunxo en munchos sentíos aire fresco pal nacionalismu asturianu.

En primer llugar,ufiertaron un actu atractivu y bien organizáu al que la xente,pa variar la dinámica xeneral de la esquierda nacionaliega,respondió(dientro de les posibilidaes y limitaciones d’esti movimientu,claro tá).

En segundu llugar,ye aire frescopolos discursos desendolcaos,destacando’l de Mariu Arbesú por venir del secretariu d’organización d’AA.Nelli afitó’l camín de la estratexa de la xunidá d’aición entamáu cola plataforma SOS ASTURIES y col alcuerdu col PAS,y amósase qu’hai voluntá de falar con toos,incluyío nesi toos UNA,qu’hasta agora yera una organización tabú y que paecía nun esistir p’AA y el so entornu,lo mesmo qu’en bona midia ignórase a AA dende UNA.Dalgún de los dos tinía que frayar el xelu dalgún díi,y Mariu Arbesú dio un primer pasu pa ello,qu’anque seya namái dialécticu tien importancia.

Ye cierto qu’AA requier de facer el doble p’algamar la metá que’l restu’l movimientu nel tema de la xuntanza,lóxico si cuntamos coles aiciones del pasáu  coles que perdieron la confianza del restu’l movimientu.Si tan consiguiendo recuperala o non diralo’l tiempu,pero polo menos amosen ganes y voluntá pa ello.

La páxina “PolaXuntanza”,como toos sabéis,entamó el so momentu pidiendo la xuntanza ente AA y UNA pola so afinidá ideolóxica,y anque agora la páxina camudare pa pidir a xuntanza de tol nacionalismu asturianu,dalgunos siguimos camentando que la bas y el xermen d’una xuntanza diba tar nestes dos fuercies,por ser práuticamente ximielgues n’ideoloxía y distintes na estratexa y nel conflictu de les sigles,ún de los mayores pilancos del nacionalismu asturianu nos caberos años y qu’hai que dir iguando d’una vegada,entendiendo que si la intención ye trabayar en comuña lo que menos tien qu’importar son unes sigles.Esa mentalidá faltonos toos estos años,y el resultáu ta a la vista de toos y toes.

Esti Díi d’Andecha ye un puntu perpositivu na moral del nacionalismu asturianu,pero como simpres hai que ser prudentes y asperar movimientos futuros.

Que nun quede too en pallabres y el procesu siga alantre.