Archive | Abril, 2010

1 Mayu-Toxs a la cai

30 Abr
Advertisements

INFOASTURIAS:semeya d’un gobiernu xenocida

30 Abr

st1\:*{behavior:url(#ieooui) }

El gobiernu asturianu remocicó’l “portal turísticu del principáu”,pero una vegada más hai dalgo que fiede nes aiciones del gobiernín,¡qué causalidá!,cuando vas a les opciones llingüístiques:castellán (qué sedría de la FSA ensin el so arma arroxadizo),inglés francés,y…

Una persona consciente de qu’asturies cunta con una llingua propia como l’asturianu diria que l’idioma caberu ye l’asturianu,anque nun ye menos cierto qu’una persona consciente d’ello y consciente amás de que sofrimos les aiciones d’un gobiernu xenocida duldaríalo,y otra vegada más taría no cierto.

L’idioma caberu ye l’alemán;¿pa qué ponelo n’asturianu,si un patrimoniu llingüísticu milenariu y propiu d’esti país nun tien interés turísticu nengún?

Meyor poné-y una amarraza a esti pueblu,y amosar lo gayoleros que tán falando una llingua impuesta y emplegada polos politicos como instrumentu d’aculturización

.Meyor tapecer la esistencia del asturianu ,nun seya qu’entre un alemán na páxina y piense que nun somos españoles…

XENOCIDIU CULTURAL,en mayúscules y con toles lletres.Eso ye lo que sofrimos n’asturies,y amósase otra vegada más.

En manes de los asturianos tá camudar el panorama.

Ye lo qu’hai…

8 Abr

Panorama asturianista

6 Abr

Voi facer un repasu de la situación de les distintes fuercies politiques asturianistes tal y como les veo anguaño,ensin ánimu nengún d’engochar,descalificar o facer de menos el trabayu de nengún de los partíos analizaos,sólo col enfotu d’amosar el mio puntu de vista de cómo tan les coses anguaño.

ANDECHA ASTUR (AA)

Una de les coses que carauteriza/carauterizaba a Andecha Astur dende’l conflictu que dixebró la organización en dos partes ye la falta confianza del restu l’asturianismu pa con Andecha nos temes rellacionaos cola xunidá d’aición,el trabayu en comuña y los alcuerdos,y quiciabes seya por ello polo qu’esta organización ye la que más movimientu amosó (polo menos de cara al públicu) nel camín d’atopar espacios d’aición comunes con otres organizaciones nacionalistes o socialistes.A movimientos pasaos como la plataforma SOS ASTURIES-xunta’l PCPE,CSI,la Coordinadora Antifacista y el Partíu Carlista ente otros- o l’alcuerdu col PAS améstase la convocatoria del conceyu abiertu pola xunidá d’aición nel que participaren numberoses fuercies del nacionalismu,de la esquierda y del ecoloxismu.De toos estos movimientos nun salió nada claro más alló de les bones intenciones,pero amosa qu’Andecha Astur camudó’l noxu que n’otres dómines tinía hacia les xuntances (seyan del tipu que seyan) y ta trabayando n’alcuerdos y en recuperar la confianza perdía.De siguir esa llinia dirien pel bon camín.

UNIDÁ NACIONALISTA ASTURIANA (UNA)

El fechu más importante nos tiempos caberos pa UNA foi’l so congresu cellebráu n’Uviéu,onde afitaren les bases del so futuru más averáu.UNA,debío al so calter de fuercia que busca atropar al asturianismu d’esquierda,tien que ser un partíu protagonista y clave nel procesu d’unidá d’aición.Sicasí,la presencia n’UNA d’una de les partes d’Andecha Astur en conflictu pon una muria perdificil de baltiar ente Andecha Astur y UNA.Too paez indicar que’l camín d’UNA va en direición d’otres fuercies asturianistes.

BLOQUE POR ASTURIES (BA)

Ensin cambeos destacables.Siguen dientru’l gobiernu y xunto a izquierda xunida,al mesmu tiempu qu’amenacen con colar del gobiernu si sigui alantre’l proyeutu de la incineradora.La mesma amenaza que Valledor y Los Verdes ficieren va tiempu,y que tien pinta d’españar nunos meses cola dixebra d’estes partes d’Izquierda xunida y el gobiernu asturianu.Aiciones pasaes obliguen a nun ser mui optimistes col Bloque,pero si por dalgo se carautericen los sos dirixentes ye por tener un bon olfatu na gueta d’oportunidaes d’espoxigar politicamente,y de xuru que saben que’l futuru nun ta xunto a una fuercia en declive como ye IX.

PARTÍU ASTURIANISTA (PAS)

El PAS ta con toos y con nengún.Caltién la coalición con URAS al tiempu que tien rellación con AA y tuvo presente nel congresu d’UNA.Les sos pallabres van en favor d’entamar una nueva dómina nel asturianismu y d’ampliar fronteres.Nel so favor xuega’l ser una fuercia teóricamente tresversa,polo que’l so papel “conciliador” pue ser clave nun futuru cercanu.

UNIÓN RENOVADORA ASTURIANA (URAS)

Nun ye un partíu nacionaliegu pero ye una fuercia presente nel mundin asturianista y que caltién un alcuerdu con un partíu nacionaliegu como’l PAS.Les declaraciones de Javier Alonso alrodiu del congresu d’UNA cásique descalificó a URAS d’esi procesu xunitariu,pero d’ellos depende’l ser una fuercia verdaderamente asturianista o convertise nun PP más.

 

OTRES

Esisten otres fuercies que podríen encaxar nun procesu de xunidá d’aición asturianista,pero qu’a falta movimientos nun voi analizar esta vegada.

Dixebra-Blancos andantes

3 Abr