Archive | Febreru, 2010

Premiu Kreativu

27 Feb

Va unos dies alcontreme con una surpriesa que prestóme muncho;el collaciu Nel,al traviés de “Cordobello,un país mui aquello” ,dió-y a esti blogue un Premiu Kreativu,del cual toi mui agradecíu y prestome enforma recibilu.

Esi premiu lleva un par de condiciones a cumplir: Cuntar siete coses sobre ún mesmu y dar otros siete premios,asina que vamos entamar pel principiu,cuntar siete coses sobre min:

 1-Ñací y vivo dende siempres nel conceyu d’Uviéu,anque la mio familiaconlleva ye de les cuenques mineres y de tradición minera,con tolo qu’ello implica.

 2- Soi un llector compulsivu d’ensayos de toa triba.Nos meses caberos toi enfotáu nel sistema políticu d’Estaos Xuníos y  na drecha d’esi país.Nun escaezo otros xéneros lliterarios,pero nun soi mui dáu a la fantasía.Quiciabes nun seya bona tanta realidá…

3-Nos temes cibernéticos,la constancia nunca nun foi una de les mios virtúes.El fechu d’entamar esti blogue y caltener continuidá aídame a pensar qu’eso camudó.

4-Pesie a les mios inquietudes polítiques.nun milito en nenguna organización o partíu.Siempres tuvi y toi abiertu a collaborar con toos (de fechu fáigolo),pero la indecisión sobre ónde y cómo militar faime calteneme nel llimbu nacionaliegu del qu’espero y quiero salir dalgún dia.

5-Soi optimista en casi toles fasteres de la vida a la par que cabezón.Ye dalgo suxetivo,pero paezme que nun vien mal tener eses dos carauteristiques (en dosis moderaes) pa vivir nesti país.

6-Escribo esti blogue dende l’anonimatu por munches coses.En primer llugar,el destín d’esti blogue nun diba ser ser un blogue politicu nin d’actualidá,pero la cabra tira pal monte.En segundu llugar,paezme que ye una manera de crear dalgo asina como un personax,una manera de fuxir de partidismos y amiguismos.Polo tanto,nun ye una custión de vergoña o mieu,ye más una custión de reciclar dalgo que tinía otru destín y facer dalgo que,anque tocando temátiques que toquen munchos blogues,tenga daqué distinto.

7-Soi estudiante,del ramu de l’alministración,finances y eses coses,dalgo que prestóme dende siempres y que paezme interesante.

Agora va la otra parte a cumplir,que ye la de dar otros siete Premios kreativos .Nun ye fácil decidise,pero ehí van los premiaos:

1-Carlos X.Blanco

2-La esfoyaza

3-Fueya en Blanco

4-Frayando cadenes

5-Coses que (me) pasen

6-Ta pa ponga

7- Valmenor

Y con eso finamos.

salú!

Advertisements

Sofitu-Actu polos presxs politicxs

22 Feb

La tarrancha O-3-3

16 Feb

Conceyu de Llanera:vergoña ayena

12 Feb
Escontra la represión,aición:

Ochobre’l 34 memories d’un país

9 Feb
*Iguáu l’erru na imaxe

Ñaz “Atropar la cai”

7 Feb

¿Qué ye Atropar la cai?

Nacemos como rempuesta a un sentimientu.

Somos asturianos, queremos esta tierra, les sos xentes, la so hestoria y queremos el meyor futuru pa ella y pa ello escoyimos el camín de la soberanía, de decidir el nuesu futuru ensín imposiciones de naide. Por eso falaremos d’AUTODETERMÍN, INDEPENDENCIA, TERRITORIALIDÁ, DRECHOS HESTORICOS…

Queremos una Asturies xusta y solidaria, una Asturies verde y una Asturies arguyosa de sí mesma. Una Asturies que respete les sos tradiciones, la so llingua y el so pasáu. Un pueblu que conoza la so hestoria porque, ensín memoria, nun hai futuru. Por eso falaremos de LLINGUA, TRADICIONES, SELEICIÓNES DEPORTIVES, del 34, de 1808, de GONZALO PELAEZ…

Queremos enfrentanos al cuadonguismu: se pué falar de Pelayo, de la cruz de la victoria y del Asturies PATRIA Querida porque son nuestros, y hai que recuperalos. Nun se puede regalar los nuesos simbolos al imperiu. Por eso falaremos de LES MENTIRES DEL CUADONGUISMU, EL ROBU DE LA NUESA HESTORIA COMO NACIÓN…

Camentamos que vivimos na dómina del silenciu informativu, de la manipulación mediatica, del llaváu de mentes. Nun mos dan medios pa espresar les nueses idées de xusticia ya igualdá, tenemos que crealos nós solos. Nun mos rendimos al pesimismu nin nos zarramos dientru l’ordenador a esbabayar nos foros, creemos que les coses se cambién na cai, ximielgando concencies. Por ello falaremos de MILITANCIA, CONTRAMEDIOS, ARGUYU, UNIDÁ…

La idea, pa entamar, ye cenciella: Una pegatina al mes, la xente merca sigún les sos posibilidaes, 1 euro 2 euros… y s’encarga de que’l so barriu o pueblu siempre tea pegatines a la vista. Mes tres mes, pegatina tres pegatina el so barriu presentara otra cara, prestara pasear peles sos cais enllenes de pegatines del rollu. Col tiempu tamién deprenderas onde les pegar, onde duren mas, onde se ven mas… Imaxina dientru d’ún añu o dos… Col tiempu meyores pegatines, mas cantidá, cartelos…quién sabe. Depende de nós.

Somos un movimientu abiertu, esti blogue ta pa presentar los nuesos diseños y asoleyar los mas prestosos y nomáos. Necesitamos la to collaboración, el to esfuerzu. Hai que movese, non to*s diseñamos pero to*s podemos opinar, dar idees…Collabora, opina, pega!!!

http://atroparlacai.blogspot.com/

Bona iniciativa

Oficialidá y la vía política

7 Feb

Fai unos díes,nun alderique con un collaciu activu nel movimientu de vindicación llingüistica,surdió un alderique alrodiu de les eleiciones del 2011 y el panorama previsible pa entós.L’asuntu foi derivando al tarrén de la xuntanza del nacionalismu asturianu y la oficialidá,defendiendo’l collaciu en custión que la oficialidá nun tien qu’algamase pela vía política,debío a qu’entós tariemos aceutando que la oficialidá ye una custión política y non una custión de drechos sociales.

Ye una opinión que,anque nun coincida,tien dalgo de razón.Nuna democracia dafechu los gobiernos deberíen atender a les vindicaciones de la sociedá,y solucionar los sos problemes y esmolecimientos.Si tuviéremos nuna democracia como tien que ser,l’asturianu sedría oficial dende va años,pero como nun lo tamos,hai qu’atender a les circunstancies especiales d’esti país.

Depués de les eleiciones del 2011 los partíos politicos van remocicar l’estatutu d’autonomía,y entós sedrá un momentu afayadizu pa les vindicaciones sociales d’oficialidá,necesaries pero non úniques.Pa completar el “frenti llingüisticu” fai falta tener una fuercia que puxe pola oficialidá hasta les caberes consecuencies,y que nun venda los sos principios por un puñáu de puestinos.

La vía “social” amosó que nun ye eficaz por sí mesma col panorama políticu de l’asturies d’anguaño,y l’asturies del futuru nun va ser muncho meyor,ye más,ye mui posible que’l panorama seya entovía pior,col nacionalismu centralista español na Xunta xeneral.

Ye’l momentu de puxar pela vía politica combinada cola social p’algamar la oficialidá de la lingua asturiana,y ello sólo ye posible con un pautu de les fuercies asturianes dafechu que presionen y condicionen les politiques y movimientos de los partíos nel poder,al mesmu tiempu que los movimientos sociales amosen na cai cuálu ye’l sentir de la sociedá.

Quédanos una vía y una oportunidá que nun podemos dexar pasar,nin los asturianos nin les fuercies polítiques que de verdá seyan asturianes.