Archive | Xineru, 2010

Haxa salú

29 Xin

Esi ye’l yá imparable glayíu del pueblu asturianu,glayíu de sofitu a Pepe El Ferreiro y escontra los caciques que controlen el poder n’asturies.

El pueblu asturianu yá ta hasta los coyones d’agresiones escontra la so cultura y los sos raigaños,de clientelismu y enchufaos,d’alcuerdos “d’esquierda plural” nos que la FSA manda y los sos collacios callen a cambiu de cuatro puestinos bien pagaos,de ñegar la evidencia de la emigración forzada,de qu’esti país ta cada día más envieyáu,con más paraos,con menos trabayu,con más represión,con menos esperanza de qu’esti país tenga futuru.

Esti atropellu ye’l reflexu de tolos que vien faciendo la FSA no cultural,no social,no económico y no mediuambiental, ye dicir,un gobiernu de decisiones autoritaries y responsabilidaes basaes nel carné de partíu.

La reaición del pueblu asturianu tamién ye un reflexu de que bastó d’inutilidá,mediocridá,babayismu,enchufismu y autoritaritarismu,ye dicir,ye’l momentu d’echar a esa gandalla del poder.

Como diría Pepe,Haxa salú!

 http://www.yoapoyoalferreiro.com/

Advertisements

Aplausu pa “El Jueves”

28 Xin

Spanta la xente

27 Xin

Darréu escontra les fuercies d’ocupación

24 Xin

Cuando l’amarraza ye un vezu

23 Xin

El pasu de Rosa Díez per estes tierres traxo munches coses:en primer llugar,el so partíu afitó la so presencia n’asturies col so llar n’Uviéu,pa depués facer un “tour” amosando más de lo mesmo qu’amosa dende va años,ye dicir,un  discursu que quier tresmitir novedá,progresismu y democracia,y que disfraza una ideoloxía ultranacionalista,centralista y autoritaria nel furrulamientu internu del partíu.

Nuna parada d’esi “tour” hebo un fechu murniu.Foi nel “Club de Prensa Asturiana”,y too entamó por llevantar el brazu pa facé-y una entruga a la cabezalera d’UPYD.

Resultáu normal nun país democráticu dafechu:Rosa Díez contesta a la entruga,o non,pero too queda ehí,ensin más.Como Asturies nun ye un país democráticu dafechu,les consecuencies d’entrugar son clares y contundentes(Si yes independentista les posibilidaes aumenten muncho),y nun son otres que ser sacada del llugar por policíes de paisanu.L’asuntu nun quedó ehí,pero vamos dexar el rellatu xusto nesi momentu.

La persona espulsada del actu poles fuercies del estáu foi una militante del movimientu independentista asturianu,un movimientu persiguíu y oxetu continuu de les aiciones represives de la policía,col delegáu de gobiernu Trevín al mandu.

Ye murnio que nel añu 2010 pasen eses coses nesti país,pero pa min ye más murnio entá que nengún de los presentes nel actu se surprendiere de l’aición policial.

Son tantes y tan variaes les aiciones d’esi tipu que la xente tá avezada a elles,son dalgo normal pa munchos asturianos,y eso,ente otres coses,ye una gran trunfu del poder,y un gran fracasu de la esquierda alternativa y tamién del asturianismu,como fuercia victima de munches de les aiciones represives y que nun ye capaz de tresmitir a la sociedá la gravedá del asuntu.

Ye evidente qu’eses aiciones represives nun tienen más igua que desaloxar del poder a los que lu ocupen dende siempre nesti país,pero’l silenciu de la prensa del réxime y de la sociedá en xeneral sedría menor si hubiere un diputáu na Xunta qu’entrugare a los responsables por estes aiciones represives.

El PP,como ye normal nellos,calla;la FSA,como responsable,calla;Izquierda Xunida,como cómplice que ye,calla,y nun falemos d’UPYD,qu’anque nun tá na Xunta xeneral,podríen interesase pol incidente como grandes defensores de la democracia que dicen ser;¿Colunga diría dalgo? Nun lo sabremos,pero tendrá más oportunidaes.

Tán finando cola solidaridá carauteristica d’esti pueblu,asina como cola so conciencia de clas,y amosase con situaciones de calter represivu coles qu’unos callen,otros ñeguen,y sólo unos pocos condenen.

De la mesma forma que tán acabando cola solidaridá,tán acabando cola nuesa llingua,identidá,cultura y raigaños.

Facer de l’amarraza un vezu ye parte d’esi camín de finar colo nueso,y ye obligación de toos tornar a ser un pueblu con conciencia coleutiva,esa qu’ún díi fizo a esti pueblu llevantase escontra tolos enemigos.

Recuperar la conciencia coleutiva ye l’entamu de la salvación d’esti pueblu,ya’l fin del vezu a l’amarraza.

Sidra y Blogues

21 Xin

Nacionalismu apartidista

18 Xin


CNA,ENA,XNA,UNA,PAS,CA,AA,IAS,URAS,UAS,UNIDÁ,BA(xunto a IX-BA).

Eses son toles sigles qu’un nacionalista asturianu pudo votar a lo llargo de la so vida,bien porque son sigles de calter nacionalista,o porque son sigles “asturianistes” y válides nes sos plantegamientos (casu d’URAS,o d’IX-BA,anque na práutica esos plantegamientos queden en papel moyáu).

Viendo les dinámiques de votos en toles eleiciones dende la transición,vemos pernidio que l’eleutoráu nacionalista asturianu nun tien tendencia a fidelizase con nengún partíu.

Eleiciones tres eleiciones dende va años les opciones de votu pa los nacionalistes resúmense nesto: votar a partíos d’esquierda nacionaliega que sabemos dende’l primer momentu que nun van algamar representación,o facer “votu útil asturianista” y votar a nacionalistes tresversales xunto a rexonalistes (UAS),o votar a nacionalistes d’esquierda xunto a un popurrí de diverses esquierdes (IX-BA-LV).

Sólo una vegada’l nacionalismu asturianu concentrose nuna candidatura nacionaliega dafechu,seria y con posibilidaes:Foi la coalición asturiana(PAS+UNA),qu’algamó diputáu,aprovechándolo llueu’l PAS pa tar na xunta cuatro años más.

Nel restu de les eleiciones lo normal foi la dixebra:yo voto a andecha astur,tú a IAS,elli al  PAS,esi otru vota a URAS,l’otru a IX-BA etc

Les causes son,en primer llugar,la masificación nun “mercáu”(vais permitime unos símiles de calter económicu) pequeñu como ye’l d’esti movimientu,compitiendo munches vegaes polos mesmos votos dos o tres partíos qu’amás defienden lo mesmo.Eso fai qu’esi votu tenga una migración de contino,treslladándose siempres al llugar que más y meyores coses ufierte.Eso tamién fai qu’un partíu nacionaliegu tenga que trabayar el doble p’algamar la metá de los votos qu’algama otru.

Eses “coses” qu’ufierten los partíos nun son principalmente de calter ideolóxicu nin de proyeutu,que munches vegaes son compartíos por dellos partíos dixebraos ,sinon qu’eses coses qu’ufierten son posibilidaes de llevar alantre’l proyeutu,ello ye,posibilidaes d’entrar na xunta xeneral o nun conceyu.

Ehí tá la segunda causa más importantes del movimientu de votos d’unos partíos a otros,el yá nomáu votu útil asturianista.Unes vegaes esi votu foi pa la CA,otres foi pal PAS,y nos caberos años esi votu foi en parte pa UAS ya IX-BA,que beneficiose de munchos votos nacionaliegos d’esquierdes a bas de xugar cola llingua y la cultura d’asturies.

Agora mesmo’l vacíu ye evidente y visible.Andecha Astur y UNA siguen compartiendo un espaciu d’unos 8.000 votantes polos que lluchen,UAS ye la fuercia más importante pero tá en declive,ya IX-BA perdió la poca confianza que-y quedaba y que quier recuperar cola entrada de Colunga na xunta.

Hai un vacíu que sólo enllena un pautu de mínimos ente toles fuercies que puxen pola oficialidá,l’autogobiernu y la defensa del calter nacional d’asturies,penrriba de si esos partíos son d’esquierdes o dreches.Esi ye un debate que va aportar,pero n’otru momentu;agora les prioridaes son otres.

Toca salvar la llingua,cultura ya identidá d’asturies,toca facer una verdadera alternativa a los PSOE,PP,ya IX,y toca sacar a esti país de la cuesta abaxo na que tá.

Cuando pisemos tarrén llanu,sedrá’l momentu d’alderiques a los que quiciabes tuviemos muncha priesa n’aportar.