Archive | Xunetu, 2009

El fechu diferencial

19 Xut

 A partir del mes de setiembre,cuando entame un nuevu añu futbolísticu,la TPA va retransmitir la “Champions League” xunto a TVE y a otres televisiones autonómiques.

Nun paez que tenga munchu sentíu que dos cadenes vayan retransmitir n’Asturies lo mesmo (y más siendo públiques),pero puede atopáse una utilidá en casu de que tengan ganes.

Voi poner un par d’exemplos:

IB3-TV autonómica de les Islles Baleares- retransmite la Fórmula 1,igual que lo fai La Sexta,pero hai un fechu que les distingue:la retransmisión de IB3’tis na llingua del llugar,demientres que la de La Sexta’tis en Castellán.

TV3-TV autonómica de Catalunya-tamién retransmite les carreres de F1 xunto a La Sexta,y como nes Islles Baleares,TV3 fáilo na llingua del llugar,demientres que La Sexta fáilo en castellán.

                      

Nel casu de la TPA,nun podemos esperar que narren los partíos na nuesa llingua,tá perclaro que nun lo van facer.

Polo tanto,la “Champions” na TPA nin tien sentíu,nin intenten atopálu los responsables de la cadena.En detalles como esos vese que los nuesos gobernantes tan a años lluz de los de otros llugares del estáu en temes como la llingua y la cultura propia.

Tamién amosa la poca visión de la xente de la cadena,porque un partíu narráu na nuesa llingua diba ganase un públicu determináu,demientres qu’en castellán van competir coles mesmes armes que TVE,y polo tanto,tienen les de perder.

Advertisements

Otru mediu manipulador pa la llista

11 Xut

                              20minutos

El Principado se gasta 700.000 euros para traducir su web al bable

¿Titular de la páxina d’UPYD,del PP o de la FSA? Non

¿Titular de La Nueva España o La voz de Asturias? Non

Ye un titular del periódicu de baldre “20 minutos Asturies”.

Nun voi entrar en si ta bien o mal gastar ese perres pa esi asuntu (eso pa otra vegada),pero’tis un titular que fiede muncho y que,pa entamar,tien un erru de bultu.El titular afayaizu sedría “El Principado se gasta 700.000 euros para traducir su web al bable y al inglés“.

Entós,¿por qué esi titular? Polo de tolos díes,ganes d’engochar y atacar a la nuesa llingua.

Esi periódicu paecía dalgo distintu al restu,paecía tener un tratu dalgo meyor pa cola nuesa llingua,y espublizaba selmanalmente una opinión de Carlos Suari,pero ya amosó la braera cara,que’tis la mesma que’l restu d’espublizaciones:refugu y despreciu a la nuesa llingua.

Otru periódicu más pa esi llargu llistáu de medios “anti-llingua”…

Otra vegada equí

6 Xut

ss

Mañana tornen les actualizaciones depués de dellos problemes pa tener conexión.Esti tiempu fízose eternu,pero hai muncho que cuntar y mañana entamamos de nueu.