Archive | Abril, 2009

Tolo d’Asturies 09

28 Abr

                  

Xueves 14 mayu

19:00 hores Presentación oficial III Muestra Cultural Tolo d’Asturies

Conciertu Ignacio Alfayate + Filippo Gambeta + Xuan Nel Expósito + Alumnos Escuela Acurdión de la Escuela de Música Tradicional Reija de Llangréu

Inauguración Esposición Acurdión Tradicional

Inauguración cursos acurdión diatónicu de la Escuela de Música Tradicional Reija de Llangréu (Nivel mediu y superior)

(Centru la Cultura y la Llingua Asturiana Casa los Alberti, Ciañu)

Vienres 15 mayu

22:00 hores Conciertu

I LIGURIANI (Italia) + *LOS CIQUITRINOS + *LOS GATOS DEL FORNU

*(FACIENDO L’INDIO NA CAI, espectáculu presentación de los dicos Faciendo l’Indio-Los Ciquitrinos- y Na Cai- Los Gatos del Fornu)

Sábadu 16 mayu

12:00 hores Apertura Oficial Muestra Cultural TOLO D’ASTURIES

12:00 hores Banda Gaites Conceyu Llangréu

13:00 hores Conciertu HERMANOS VALLE ROSO

22:00 hores Conciertu

**XIDECES (BANDA GAITES LLACÍN + ARTISTES CONVIDAOS) + DAVID MUNNELLY BAND (Irlanda) + HERBAMORA

** (Más de 100 músicos nel escenariu, espectáculu qu’inclúi un pasucais previu dende El Parque Vieyu La Felguera hasta la Estación Central d’Autobuses de Llangréu)

Tol día: Mercáu tradicional d’artesanía y gastronomía

Feria del discu y el llibru n’asturianu

Folixa y baille pa toes/os con bandines tradicionales

Animación con grupos de baille y música tradicional

Talleres pa neñes y neños (animación, xuegos y deportes tradicionales, artesanía…)

Domingu 17 mayu

12:30 hores Conciertu Banda Música de Llangréu

13:30 hores Toná

18:00 hores Conciertu HÉCTOR BRAGA

19:00 hores Carta blanca a Tomás Zapico (Presentación del so discu y reinterpretación d’una escoyeta de temes del repertoriu d’esti músicu de La Güeria Urbiés a cargu d’acurdionistes modernos del altor de Marga Lorences, Nel Ordóñez, David Varela, Jose Manuel Tejedor y Marcos Alonso). Homenaxe a la tradición del acurdión, cola dirección de Xuan Nel Expósito y la collaboración y presentación de Xosé Antón Fernández “Ambás”

Tol día: Mercáu tradicional d’artesanía y gastronomía

Feria del discu y el llibru n’asturianu

Folixa y baille pa toes/os con bandines tradicionales

Animación con grupos de baille y música tradicional

Talleres pa neñes y neños (animación, xuegos y deportes tradicionales, artesanía…)

20:30 hores Clausura de la “III Muestra Cultural TOLO D’ASTURIES de LLANGRÉU”

Actividaes perinteresantes les que ufierta esta muestra cultural que cumple 3 ediciones (y que seyan munches más).

Advertisements

Una lletra camúdalo too…

24 Abr

jkhkh

Güei pela mañana garré un periódicu d’esos que dan de baldre.Abrí la primer fueya,y quiciabes fuera porque a eses hores ún tá mediu tontu,pero lleí un titular que m’ablucó:

“L’estáu intervendrá Arcelor si nun llega a un alcuerdu sobre l’ERE”

¿L’estáu interviniendo Arcelor,faciéndola una empresa pública? Demasiao bono pa ser verdá.El braeru titular yera esti:

“L’estáu intervendrá n’Arcelor si nun llega a un alcuerdu sobre l’ERE”

Pero la verdá ye que dempués de ver la inutilidá del gobiernu asturianu y la so nula influencia na empresa más importante d’Asturies,cada vegada paez más claro que la decisión de privatizar totalmente lo que yera Ensidesa foi un erru pergrande,cuyes consecuencies tamos pagando y pagaremos durante munchos años.

Agora dirán que nun puen facer nada,pero la verdá ye que nel so momentu pudieron facelo too,y anque quisieran privatizar la empresa,lo sensato sedría conservar una participación,pero nun sólo n’Ensidesa,sinón que en toles empreses que foron públiques y que se privatizaron.

Lo suyo ye que continuaren siendo públiques,pero ya que les quisieron privatizar,¿qué menos que caltener ferramientes pa nun quedar col culu al aire nesti tipu de situaciones?

Y too esto por una lletra…

Dixebra-la danza

22 Abr

¿Por qué dos movimientos republicanos n’Asturies?

18 Abr

         republiques

Ye daqué que m’entruga muncha xente de fuera d’Asturies,anque nun ye mui difícil algamar la rempuesta:Porque van a la gueta d’oxetivos distintos,ye más,quiciabes son dos movimientos antagónicos,per un lláu los defensores d’una España repubicana,y pel otru lláu,los partidarios d’una república asturiana independiente del estáu español.

*Entós,¿por qué surpriende tanto a la xente foriato la esistencia d’estos dos movimientos?

Na mio opinión esto ye porque’l movimientu republicanu asturianu dixebróse claramente del español fai mui pocu tiempu.Enantes ambos movimientos nun taben bien diferenciaos,ya’l predominante o,polo menos,l’únicu visible, yera l’español.

Pero la cosa tá camudando,el movimientu republicanu asturianu tá algamando pasín a pasín repercusión y fuercia,y tá comiendo tarrén a los movimientos españoles.Esto ye visto con nerviosismu por parte de los republicanos españoles,avezaos a nun tener a naide que retruque les sos idegues dientru’l republicanismu y a nun tener más “rivales” que los monárquicos.

*¿Hai posibilidá de collaboración ente ambos movimientos?

Yo creo que nun hai muncha.La única posibilidá ye que’l republicanismu español acepte que la república española seya un pasu previu a la dixebra d’Asturies;sinón,tamos nel conflitu de siempres:”independentismu escontra españolismu”,seya republicanu o monárquicu.

Polo demás,les posibilidaes de collaboración son poques,ya que nun se coincide en munchos aspeutos,descontando’l refugu al rei.

En definitiva,ambos movimiento tiénen munchu camin per recorrer,pero la so dixebra paezme que ye positiva a la hora de dexar claro qu’hai dos postures republicanes n’asturies,colos sos oxetivos y la so muerganización.

Yera necesario acabar cola incompatible mestura d’asturines y tricolores nun mesmu llugar.

Visites que presten

16 Abr
 Cuando nel mio colexu/institutu se facíen escursiones pa los escolinos de llingua asturiana,estes nunca teníen muncho que ver cola asignatura ,y nun s’emplegaba la llingua asturiana.
Estes son les escursiones que de verdá presten,amás de ser una visita útil y totalmente rellacionada cola llingua.Norabona a Les Noticies y a los organizadores de la visita.
El martes día 3 de marzu los escolinos de 3u BC del Institutu Leopoldo Alas visitaren la redacción de LES NOTICIES pa deprender a facer ellos mesmos un periódicu.

Ellí ficieron unes entrugues a la redactora y falaron con otros redactores y correctores que taben trabayando. amás, ablucaron col maquetador que-yos amosó’l montaxe de les noticies y les semeyes con un programa mui complexu y enguedeyáu. Aprovecharon pa facer más entrugues que llevaben preparaes y les rempuestes fueron afayaíces y prestoses, tanto, que tan decidíos a metese de periodistes na prósima evaluación.

Per otru llau visitaren el «llaboratoriu» de la edición dixital que tien d’alquimista a ún de los meyores escritores en llingua asturiana d’anguaño, Xuan Bello, que desplicó cuálu yera’l so trabayu y tuvo un trechu conbayón colos escolinos.

Pa finar la visita diEron regalos a esgaya: un llibru, un CD, un exemplar del periódicu d’esa selmana, la revista Summum y un bloc de notes, too ello espublizáu pel grupu editorial que ta tres d’esti periódicu, Ámbitu.

En saliendo d’ellí y pa siguir cola escapada, el profesor chiscó a los escolinos dalguna semeya nel so llugar preferíu del Uviéu medieval porque tienen l’enfotu de facer una entrada nel so blog personal falando d’estos sitios.
«De lo bono lo meyor y de lo meyor lo superior» o «Curtia, curtia, curtia» foron les espresiones empleaes polos alumnos de 3u pa referise a la salida fecha esti día; paez que tuvo prestoso y dende llueu tan decidios a facer más.

[Los escolinos del Leopoldo Alas d’Uviéu fixeron esti artículu qu’espublizaron nel periódicu del institutu al rodiu la so visita a la redacción de LES NOTICIES. Remitíu a LES NOTICIES DE LOS LLECTORES por Xesús Torga, docente]

¿Rei? Non,gracies.

14 Abr

ñlk

Morrió Corín Tellado

11 Abr

Gran perda pa la lliteratura la d’esta muyer que,per otru lláu,paezme que siempres tuvo infravalorada n’asturies.

Amás de ser una de les grandes de la lliteratura en castellán,dió la cara pola oficialidá de la llingua asturiana,amosando’l so compromisu pa cola nuesa cultura.

Una paisana con toles lletres